ब्युरो टीम : रायगड जिल्ह्यातील नागोठणे येथील प्राथमिक आरोग्य केंद्रांला जिल्हाधिकारी किशन जावळे यांनी अचानक भेट देऊन पाहणी केली. या केंद्रात येणाऱ्या रुग्णांना तातडीच्या आरोग्य सेवा देण्याच्या सूूचना त्यांनी यावेळी केल्या.
यावेळी जिल्हाधिकारी जावळे यांनी रुग्णालयाच्या कामकाजाची पाहणी केली. तसेच दररोज किती रुग्णांची तपासणी केली जाते, किती रुग्णांना संदर्भाकित केले जाते, त्याची कारणे योग्य आहेत किंवा नाहीत याची पाहणीही केली. या शिवाय काही रुग्णांशी संवादही साधला.
('मराठी PRINT' चा अधिकृत व्हॉट्सअॅप ग्रुप जॉईन करा )
दरम्यान, ग्रामीण भागातील रुग्णांना तातडीने आरोग्य सेवा मिळण्यासाठी अधिकारी व कर्मचाऱ्यांनी मुख्यालयी राहून काम करण्याच्या सूचना दिल्या, विनाकारण रुग्णांना संदर्भाकित करू नये, त्यांच्यावर आरोग्य केंद्र स्तरावर उपचार करावेत. तसेच रुग्णांना तसेच त्यांच्या नातेवाईकांना योग्य वागणुक द्यावी. एकही रुग्ण उपचाराविना परत जाऊ नये याची दक्षता घेण्याच्या सूचना त्यांनी यावेळी दिल्या.
('मराठी PRINT' चं अधिकृत YouTube चॅनल Subscribe करा )
यावेळी वैद्यकीय अधिकारी डॉ. आदित्य शिरसाट,आरोग्य सहाय्यक राजेंद्र पवार, भरत क मारकड,औषध निर्माण अधिकारी श्रीम. अपर्णा साजेकर आदी कर्मचारी उपस्थित होते.
टिप्पणी पोस्ट करा