Job Update : सैनिकी वसतीगृहात कंत्राटी स्वरूपात पदांची भरती

ब्युरो टीम : सैनिकी मुला–मुलींच्या वसतीगृहात, माजी सैनिक विश्रामगृह व महासैनिक लॉन्स, अहिल्यानगर येथे तात्पुरत्या स्वरूपात स्वयंपाकी, सफाई कामगार, माळी व चौकीदार या पदांसाठी नियुक्ती केली जाणार आहे. यासाठी पात्र उमेदवारांनी २७ ऑक्टोबर २०२५ पर्यंत अर्ज सादर करण्याचे आवाहन जिल्हा सैनिक कल्याण अधिकारी, अहिल्यानगर यांनी केले आहे.

या पदांसाठी उमेदवारांचे वय ४५ वर्षांपेक्षा कमी असणे आवश्यक आहे. अर्जासोबत सैन्य सेवेतील डिस्चार्ज बुक, माजी सैनिक ओळखपत्र व आधार कार्डची छायांकित प्रत जोडावी. या पदांसाठी नागरी उमेदवारही अर्ज करू शकतात; परंतु माजी सैनिकांना यामध्ये प्राधान्य दिले जाईल. मुलाखतीची तारीख स्वतंत्ररित्या कळविण्यात येणार असल्याचेही कळविण्यात आले आहे.