शिवसेना नेते संजय राऊत यांच्या पत्नीला ईडीची नोटीस

मुंबई : शिवसेना नेते आणि खासदार संजय राऊत यांच्या पत्नी वर्षा राऊत यांना ईडीने नोटीस बजावली आहे. पीएमसी बँक घोटाळ्या प्रकरणी ईडीने ही नोटीस बजावली आहे.           तसेच, भाजपतून राष्ट्रवादी काँग्रेसमध्ये गेलेले ज्येष्ठ नेते एकनाथ खडसे यांनाही नुकतीच ईडीची नोटीस मिळाली होती. त्यामुळे आता राज्यातील महाविकास आघाडी सरकार व केंद्र सरकार यांच्यातील संघर्ष चांगलाच पेटण्याची चिन्हे आहेत.

Enforcement Directorate sends notice to Varsha Raut, wife of Shiv Sena MP Sanjay Raut in connection with PMC Bank Scam. #Maharashtra — ANI (@ANI) December 27, 2020

शिवसेनेचे प्रताप सरनाईक, राष्ट्रवादीचे नेते एकनाथ खडसे यांच्यानंतर आता शिवसेनेचे नेते संजय राऊत यांच्या पत्नी वर्षा राऊत यांना ईडीने नोटीस बजावली आहे. ईडीने २९ तारखेला वर्षा राऊत यांना चौकशीसाठी बोलावलं आहे. या प्रकाराचे चांगलेच राजकीय पडसाद महाराष्ट्राच्या राजकारणात उमटू लागले आहेत.