ब्युरो टीम : पवन कल्याण सध्या ‘हरि हर वीरा मल्लू’ आणि ‘ओजी’ या दोन मोठ्या प्रोजेक्ट्सवर काम करत आहेत. या दोन्ही चित्रपटांचे शूटिंग मागील काही काळापासून सुरू आहे. त्यातच ‘ओजी’च्या निर्मात्यांनी एक मोठी घोषणा करत पवन कल्याणच्या चाहत्यांना आनंदित केलं आहे.
एक्सवरून झाली अधिकृत घोषणा
‘ओजी’च्या टीमने आज एक्स (पूर्वीचे ट्विटर) या सोशल मीडिया प्लॅटफॉर्मवर एक पोस्ट शेअर करत चित्रपटाच्या रिलीज डेटची घोषणा केली. त्यांनी एक काळ्या रंगाचा पोस्टर शेअर केला ज्यावर लिहिलं होतं — "FIRING WORLDWIDE 25 SEPTEMBER 25 – THEY CALL HIM OG". या पोस्टसह कॅप्शनमध्ये म्हटलं आहे, "२५ सप्टेंबर २०२५ रोजी जगभरातील चित्रपटगृहांमध्ये फायरिंग... #OGonSept25 #TheyCallHimOG #OG".
FIRING WORLDWIDE - SEPTEMBER 25th 2025
— DVV Entertainment (@DVVMovies) May 25, 2025
They call him #OG
#OGonSept25
In cinemas WW from SEPTEMBER 25th 2025 pic.twitter.com/Kl9rVRsuEu
प्रेक्षकांमध्ये प्रचंड उत्साह
पवन कल्याण यांच्या या बहुप्रतीक्षित चित्रपटाची रिलीज डेट ठरल्यामुळे चाहत्यांमध्ये उत्साहाचं वातावरण आहे. या चित्रपटाचं दिग्दर्शन सुजीत करत आहेत आणि शूटिंग अंतिम टप्प्यात आहे. प्रसिद्ध अभिनेता इमरान हाशमी या चित्रपटात मुख्य खलनायकाची भूमिका साकारत आहे. संगीत दिग्दर्शन थमन यांचं असून चित्रपटात दमदार संगीताची अपेक्षा आहे.
या घोषणेनंतर सोशल मीडियावर चाहत्यांनी भरभरून प्रतिक्रिया दिल्या आहेत. एका चाहत्याने लिहिलं, "सण आधीच येतोय!" तर दुसऱ्याने मजेशीर टिप्पणी करत म्हटलं, "निवडणुकीआधी ‘मुख्य अ‍ॅक्शन सीन’ शूट झाले असतील अशी आशा आहे..."
चित्रपटप्रेमी आता २५ सप्टेंबर २०२५ ची आतुरतेने वाट पाहत आहेत.
पहा व्हिडिओ : चला हवा येऊ द्या फेम अभिनेते योगेश शिरसाट यांचा संघर्षमय प्रवास
टिप्पणी पोस्ट करा