Maharashtra Election Date : महाराष्ट्रात आज निवडणूक तारखांची घोषणा होणार?

ब्युरो टीम : गेल्या अनेक महिन्यांपासून प्रलंबित असणाऱ्या महाराष्ट्रातील स्थानिक स्वराज्य संस्थांच्या निवडणुकीची आज घोषणा होणार आहे. राज्य निवडणूक आयोगाकडून आज दुपारी चार  वाजता पत्रकार परिषदेचं आयोजन करण्यात आले आहे. या पत्रकार परिषदेत राज्य निवडणूक आयुक्त दिनेश वाघमारे हे स्थानिक स्वराज्य संस्थाचा निवडणूक कार्यक्रम घोषित करतील, अशी माहिती आहे. पहिल्या टप्प्यात नगरपालिका आणि नगरपरिषदांच्या निवडणुका होण्याची शक्यता असून त्यानंतर ग्रामपंचायत आणि इतर निवडणुका होण्याची शक्यता वर्तवली जात आहे.

राज्यातील स्थानिक स्वराज्य संस्थांच्या आणि महापालिकांच्या निवडणुकांचा मार्ग नुकताच मोकळा झाला आहे. प्रभाग रचना आणि इतर मागासवर्गीयांचे आरक्षण यांसारख्या अनेक वर्षांपासून प्रलंबित असलेल्या मुद्द्यांवरून या निवडणुका रखडल्या होत्या. अखेर आज पहिल्या टप्प्यातील 246  नगरपालिका आणि 42 नगरपंचायतींच्या निवडणुकांची घोषणा होणार आहे, अशी माहिती सुत्रांकडून मिळाली आहे. 

राज्य निवडणूक आयोगाकडून राज्यातील महानगरपालिका, नगरपालिका, नगरपंचायती, जिल्हा परिषदा व पंचायत समित्यांच्या निवडणुका तीन टप्प्यांत घेण्याचे नियोजन केलं आहे. मुंबईसह राज्यातील 29 महापालिकांच्या निवडणुका 15 ते 20 जानेवारी 2026 च्या आत पूर्ण करण्याचा आयोगाचा प्रयत्न आहे. नगरपालिका व नगरपंचायतींसाठी नोव्हेंबरमध्ये मतदान होईल, तर जिल्हा परिषदा आणि पंचायत समित्यांसाठी डिसेंबरमध्ये मतदान होईल, अशी शक्यता आहे.

निवडणूक होणाऱ्या स्थानिक स्वराज्य संस्था पुढीलप्रमाणे:

महापालिका - 29

नगरपंचायती - 246

जिल्हा परिषद - 42

पंचायत समिती - 32

एकूण - 336