ब्युरो टीम : राज्याचे उपमुख्यमंत्री अजित पवारयांचे बारामती येथे झालेल्या विमान अपघातात निधन झाले आहे. मुंबईहून बारामतीकडे येत असताना लँडिंग करताना हा अपघात झाला. ते जिल्हा परिषद निवडणुकीच्या सभेसाठी बारामतीला जात असताना हा अपघात घडला. या अपघातमध्ये अजित पवार यांचे निधन झाले आहे.
या अपघातग्रस्त ठिकाणाचा व्हिडीओ समोर आलाय, या अपघातवेळी अजित पवार यांचे पीए आणि काही जवळचे लोक सोबत होते, सर्वांचा अपघातामध्ये मृत्यू झाला आहे. लँडिंग करताना विमानाला अपघात झाला आणि विमानाने पेट घेतला आणि आगीत खाक झाले.
बारामती विमानतळाजवळील एका शेतामध्ये विमान कोसळलं आहे. हा अपघात ९ ते ९.१५ दरम्यान झाल्याची प्राथमिक माहिती समोर आलीय. अपघातग्रास्त विमान आगीत पूर्णपणे खाक झाले. विमान अपघातामध्ये सहा जणांचा मृत्यू झाल्याची माहिती डीजीसीएने दिली आहे. विमानाचा अपघात नेमका कशामुळे झाला याबाबत विमानतळ प्रशासनाकडून अधिकृत माहिती आलेली नाही. ज्या ठिकाणी अपघात झाला त्या ठिकाणी जशी माहिती समजेल तशी राष्ट्रवादीचे कार्यकर्ते आणि समर्थक ठिकाणी गर्दी करत आहेत. अपघात नेमका कसा झाला याबाबती कोणतीही माहिती अद्याप समोर आली नाही
टिप्पणी पोस्ट करा